In the Mood for Love (2000)

15126
Share
Copy the link

Romance/Drama Genre မှာ တကယ်တမ်း ရင်ထဲစွဲစွဲလမ်းလမ်းဖြစ်ပြီးအမြဲတမ်း သတိတရဖြစ်နေစေတဲ့ရုပ်ရှင်က တော်တော်လေးရှားတယ်လို့ ပြောလို့ရပါတယ်။

ဇာတ်သိမ်းမှာ ချစ်တာနဲ့ ကွဲတာနှစ်မျိုးပဲ နှစ်ပင်လိမ်ပြီး ဇာတ်အိမ်တွေ အက်ကြောင်းထပ်နေတဲ့ခေတ်ကာလမှာ Lost in Translation, Eternal Sunshine of the Spotless Mind, In the Mood for Loveလို ဇာတ်ကားမျိုးတွေဟာ သာမန်အချစ်ဇာတ်လမ်းတစ်ခုဆိုတာထက် အများကြီးပိုမိုပြသသွားနိုင်ခဲ့ပါတယ်။

ဒီနေ့တင်ဆက်ပေးသွားမယ့်ရုပ်ရှင်ကတော့ ဟောင်ကောင်ဒါရိုက်တာ ဝမ်ကာဝေရဲ့ အကောင်းဆုံးလက်ရာလို့တင်စားခေါ်ဝေါ်ကြတဲ့ In the Mood for Love ဆိုတဲ့ဇာတ်ကားပါ။

ဝမ်ကာဝေဟာ အရှေ့တိုင်းရုပ်ရှင်လောကရဲ့ဆရာတစ်ဆူဖြစ်ပြီး သူရိုက်ကူးခဲ့တဲ့ရုပ်ရှင်တွေဟာ မှတ်တိုင်များစွာ စိုက်ထူနိုင်ခဲ့ပါတယ်၊အဲ့ဒီဇာတ်ကားတွေထဲမှာIn the Mood for Love ကတော့ သူရိုက်ကူးခဲ့တဲ့ တခြားရုပ်ရှင်ဇာတ်ကားတွေနဲ့ မတူပဲ သီးခြားပုံစံတစ်မျိုးအဖြစ်ကွဲထွက်နေခဲ့ပါတယ်။

In the Mood for Love ရဲ့ဇာတ်အိမ်က အရမ်းကိုရိုးရှင်းလွန်းပြီး ဇာတ်လမ်းစကြည့်တာနဲ့ ဘာဆက်ဖြစ်မယ်ဆိုတာခပ်ရေးရေးလေး တွေးလို့ရလောက်ပါတယ်။

တိုက်ခန်းတစ်ခန်းမှာ ငှားနေကြတဲ့ ဘေးချင်းကပ် အိမ်နီးချင်းလင်မယားစုံတွဲ ၂ တွဲမှာ မစ္စတာချန်နဲ့ မစ္စချောင်တို့က ဖောက်ပြန်နေကြတာကို ဆိုင်ရာလက်တွဲဖော်တွေဖြစ်တဲ့မစ္စချန် နဲ့ မစ္စတာချောင်တို့က သိသွားတဲ့အခါ သူတို့နှစ်ယောက်ကပါ ထပ်ပြီးဖောက်ပြန်တာကို ရိုးရိုးရှင်းရှင်းလေးရိုက်ကူးပြထားတာဖြစ်ပါတယ်။

ဒါပေမယ့်လည်း ဝမ်ကာဝေဟာ ရုပ်ရှင်အတတ်ပညာကို ကောင်းမွန်ပိုင်နိုင်စွာအသုံးချပြီးဒီရုပ်ရှင်ထဲက ဇာတ်ကောင်နှစ်ယောက်ဖြစ်တဲ့ မစ္စတာချောင်နဲ့ မစ္စချန်ရဲ့ စိတ်တွင်းခံစားချက်တွေကို ရုပ်ရှင်ကြည့်ပရိသတ်တွေဆီ ယူဆောင်ပြလာခဲ့ပါတယ်။

သာမန်ရိုက်ချက်တွေနဲ့မတူပဲ သရုပ်ဆောင်တွေကို ဘောင်ကျဉ်းကျဉ်းလေးပဲ ပေးထားတာတွေ၊ ဇာတ်ဝင်ခန်းတွေတိုင်းလိုလိုမှာ အနှောင့်အယှက်ဖြစ်စေမယ့်အရာ တစ်ခုခုထည့်ထားတာတွေကြောင့်ဒီနှစ်ယောက်ကြားက ရှေ့မတိုးသာ၊ နောက်မဆုတ်သာတဲ့အခြေအနေတွေဟာ ပိုပြီးပေါ်လွင်လာခဲ့ပါတယ်။

In the Mood for Love ကို ရွေ့လျားနေတဲ့ကဗျာတစ်ပုဒ်လို့ တင်စားကြပြီး ဒီရုပ်ရှင်ဟာ စကားလုံးတွေထက် ဇာတ်ဆောင်နှစ်ယောက်ရဲ့အကြည့်တွေ၊ ဟန်ပန်အမူအရာတွေနဲ့ ဇာတ်လမ်းကိုတည်ဆောက်သွားခဲ့တာပါ။သူတို့ရဲ့ လှုပ်ရှားမှုနောက်ကိုလိုက်ကြည့်နေရတာဟာကဗျာရှည်တစ်ပုဒ်ကို ဖတ်ပြီး ခံစားနေရသလိုပါပဲ။

ဒါ့အပြင် ဒီရုပ်ရှင်ဟာ Nostalgia (အတိတ်ကပျော်စရာအခိုက်အတန့်တွေကို အောက်မေ့သတိရခြင်း) ဆိုတဲ့အချက်ကို ကောင်းကောင်းကြီးပုံဖော်သွားနိုင်ခဲ့ပါတယ်။၂၀၀၀ ခုနှစ်မှာရိုက်ကူးခဲ့တာဖြစ်ပေမယ့် ဝမ်ကာဝေဟာ ရုပ်ရှင်ရဲ့ အရောင်တွေကို ၁၉၆၀ ဝန်းကျင်ကထွက်ရှိတဲ့ရုပ်ရှင်ဆန်ဆန် အရောင်မျိုးအသုံးပြုသွားခဲ့ပြီး ဇာတ်အိမ်ကိုလဲ ၁၉၆၂ ခုနှစ် ဟောင်ကောင်မှာ အခြေတည်ထားလိုက်ပါတယ်။

ဒီဇာတ်ကားဟာ အချစ်ဇာတ်ကားကြည့်ပြီးမျက်ရည်လည်ရွှဲငိုချင်သူတွေ၊ ရိုမန်တစ်ဆန်ချင်သူတွေအတွက်တော့ ကိုက်ညီမယ့်ရုပ်ရှင်မဟုတ်ပေမယ့် တစ်ခါတစ်ခေါက်လောက်တော့ မြည်းစမ်းကြည့်သင့်တဲ့ အနုပညာလက်ရာမြောက်ရုပ်ရှင်ကားတစ်ကားဖြစ်ပါတယ်။

ရုပ်ရှင်ကို အနုပညာလက်ရာတစ်ခု၊ ကဗျာစာပေတစ်ခုလို ခံယူထားတဲ့သူတွေအတွက်တော့ ဒီရုပ်ရှင်ဟာ တွေးလို့ကုန်နိုင်မှာမဟုတ်ပါဘူး။

အဖော်အချွတ်ဇာတ်ဝင်ခန်းမပြောပါနဲ့၊ နမ်းရှုတ်တဲ့အခန်းတောင် တစ်ကွက်မှမပါဝင်ပဲ အချစ်ဇာတ်လမ်းတစ်ခုကို လှလှပပလေးပုံဖော်သွားခဲ့တဲ့ဝမ်ကာဝေရဲ့ လက်ရာကို အခုပဲ download လုပ်ပြီး ကြည့်ရှူလိုက်ကြပါ။ဘဝအတွက် တွေးစရာတစ်ခုခုတော့ ကျန်ရစ်စေခဲ့ရမယ်ဆိုတာရဲရဲကြီးအာမခံရဲပါတယ်။

Zawgyi

Romance/Drama Genre မွာ တကယ္တမ္း ရင္ထဲစြဲစြဲလမ္းလမ္းျဖစ္ၿပီးအၿမဲတမ္း သတိတရျဖစ္ေနေစတဲ့႐ုပ္ရွင္က ေတာ္ေတာ္ေလးရွားတယ္လို႔ ေျပာလို႔ရပါတယ္။

ဇာတ္သိမ္းမွာ ခ်စ္တာနဲ႔ ကြဲတာႏွစ္မ်ိဳးပဲ ႏွစ္ပင္လိမ္ၿပီး ဇာတ္အိမ္ေတြ အက္ေၾကာင္းထပ္ေနတဲ့ေခတ္ကာလမွာ Lost in Translation, Eternal Sunshine of the Spotless Mind, In the Mood for Loveလို ဇာတ္ကားမ်ိဳးေတြဟာ သာမန္အခ်စ္ဇာတ္လမ္းတစ္ခုဆိုတာထက္ အမ်ားႀကီးပိုမိုျပသသြားႏိုင္ခဲ့ပါတယ္။

ဒီေန႔တင္ဆက္ေပးသြားမယ့္႐ုပ္ရွင္ကေတာ့ ေဟာင္ေကာင္ဒါ႐ိုက္တာ ဝမ္ကာေဝရဲ႕ အေကာင္းဆုံးလက္ရာလို႔တင္စားေခၚေဝၚၾကတဲ့ In the Mood for Love ဆိုတဲ့ဇာတ္ကားပါ။

ဝမ္ကာေဝဟာ အေရွ႕တိုင္း႐ုပ္ရွင္ေလာကရဲ႕ဆရာတစ္ဆူျဖစ္ၿပီး သူ႐ိုက္ကူးခဲ့တဲ့႐ုပ္ရွင္ေတြဟာ မွတ္တိုင္မ်ားစြာ စိုက္ထူႏိုင္ခဲ့ပါတယ္၊အဲ့ဒီဇာတ္ကားေတြထဲမွာIn the Mood for Love ကေတာ့ သူ႐ိုက္ကူးခဲ့တဲ့ တျခား႐ုပ္ရွင္ဇာတ္ကားေတြနဲ႔ မတူပဲ သီးျခားပုံစံတစ္မ်ိဳးအျဖစ္ကြဲထြက္ေနခဲ့ပါတယ္။

In the Mood for Love ရဲ႕ဇာတ္အိမ္က အရမ္းကို႐ိုးရွင္းလြန္းၿပီး ဇာတ္လမ္းစၾကည့္တာနဲ႔ ဘာဆက္ျဖစ္မယ္ဆိုတာခပ္ေရးေရးေလး ေတြးလို႔ရေလာက္ပါတယ္။

တိုက္ခန္းတစ္ခန္းမွာ ငွားေနၾကတဲ့ ေဘးခ်င္းကပ္ အိမ္နီးခ်င္းလင္မယားစုံတြဲ ၂ တြဲမွာ မစၥတာခ်န္နဲ႔ မစၥေခ်ာင္တို႔က ေဖာက္ျပန္ေနၾကတာကို ဆိုင္ရာလက္တြဲေဖာ္ေတြျဖစ္တဲ့မစၥခ်န္ နဲ႔ မစၥတာေခ်ာင္တို႔က သိသြားတဲ့အခါ သူတို႔ႏွစ္ေယာက္ကပါ ထပ္ၿပီးေဖာက္ျပန္တာကို ႐ိုး႐ိုးရွင္းရွင္းေလး႐ိုက္ကူးျပထားတာျဖစ္ပါတယ္။

ဒါေပမယ့္လည္း ဝမ္ကာေဝဟာ ႐ုပ္ရွင္အတတ္ပညာကို ေကာင္းမြန္ပိုင္ႏိုင္စြာအသုံးခ်ၿပီးဒီ႐ုပ္ရွင္ထဲက ဇာတ္ေကာင္ႏွစ္ေယာက္ျဖစ္တဲ့ မစၥတာေခ်ာင္နဲ႔ မစၥခ်န္ရဲ႕ စိတ္တြင္းခံစားခ်က္ေတြကို ႐ုပ္ရွင္ၾကည့္ပရိသတ္ေတြဆီ ယူေဆာင္ျပလာခဲ့ပါတယ္။

သာမန္႐ိုက္ခ်က္ေတြနဲ႔မတူပဲ သ႐ုပ္ေဆာင္ေတြကို ေဘာင္က်ဥ္းက်ဥ္းေလးပဲ ေပးထားတာေတြ၊ ဇာတ္ဝင္ခန္းေတြတိုင္းလိုလိုမွာ အေႏွာင့္အယွက္ျဖစ္ေစမယ့္အရာ တစ္ခုခုထည့္ထားတာေတြေၾကာင့္ဒီႏွစ္ေယာက္ၾကားက ေရွ႕မတိုးသာ၊ ေနာက္မဆုတ္သာတဲ့အေျခအေနေတြဟာ ပိုၿပီးေပၚလြင္လာခဲ့ပါတယ္။

In the Mood for Love ကို ေ႐ြ႕လ်ားေနတဲ့ကဗ်ာတစ္ပုဒ္လို႔ တင္စားၾကၿပီး ဒီ႐ုပ္ရွင္ဟာ စကားလုံးေတြထက္ ဇာတ္ေဆာင္ႏွစ္ေယာက္ရဲ႕အၾကည့္ေတြ၊ ဟန္ပန္အမူအရာေတြနဲ႔ ဇာတ္လမ္းကိုတည္ေဆာက္သြားခဲ့တာပါ။သူတို႔ရဲ႕ လႈပ္ရွားမႈေနာက္ကိုလိုက္ၾကည့္ေနရတာဟာကဗ်ာရွည္တစ္ပုဒ္ကို ဖတ္ၿပီး ခံစားေနရသလိုပါပဲ။

ဒါ့အျပင္ ဒီ႐ုပ္ရွင္ဟာ Nostalgia (အတိတ္ကေပ်ာ္စရာအခိုက္အတန႔္ေတြကို ေအာက္ေမ့သတိရျခင္း) ဆိုတဲ့အခ်က္ကို ေကာင္းေကာင္းႀကီးပုံေဖာ္သြားႏိုင္ခဲ့ပါတယ္။၂၀၀၀ ခုႏွစ္မွာ႐ိုက္ကူးခဲ့တာျဖစ္ေပမယ့္ ဝမ္ကာေဝဟာ ႐ုပ္ရွင္ရဲ႕ အေရာင္ေတြကို ၁၉၆၀ ဝန္းက်င္ကထြက္ရွိတဲ့႐ုပ္ရွင္ဆန္ဆန္ အေရာင္မ်ိဳးအသုံးျပဳသြားခဲ့ၿပီး ဇာတ္အိမ္ကိုလဲ ၁၉၆၂ ခုႏွစ္ ေဟာင္ေကာင္မွာ အေျခတည္ထားလိုက္ပါတယ္။

ဒီဇာတ္ကားဟာ အခ်စ္ဇာတ္ကားၾကည့္ၿပီးမ်က္ရည္လည္႐ႊဲငိုခ်င္သူေတြ၊ ႐ိုမန္တစ္ဆန္ခ်င္သူေတြအတြက္ေတာ့ ကိုက္ညီမယ့္႐ုပ္ရွင္မဟုတ္ေပမယ့္ တစ္ခါတစ္ေခါက္ေလာက္ေတာ့ ျမည္းစမ္းၾကည့္သင့္တဲ့ အႏုပညာလက္ရာေျမာက္႐ုပ္ရွင္ကားတစ္ကားျဖစ္ပါတယ္။

႐ုပ္ရွင္ကို အႏုပညာလက္ရာတစ္ခု၊ ကဗ်ာစာေပတစ္ခုလို ခံယူထားတဲ့သူေတြအတြက္ေတာ့ ဒီ႐ုပ္ရွင္ဟာ ေတြးလို႔ကုန္ႏိုင္မွာမဟုတ္ပါဘူး။

အေဖာ္အခြၽတ္ဇာတ္ဝင္ခန္းမေျပာပါနဲ႔၊ နမ္းရႈတ္တဲ့အခန္းေတာင္ တစ္ကြက္မွမပါဝင္ပဲ အခ်စ္ဇာတ္လမ္းတစ္ခုကို လွလွပပေလးပုံေဖာ္သြားခဲ့တဲ့ဝမ္ကာေဝရဲ႕ လက္ရာကို အခုပဲ download လုပ္ၿပီး ၾကည့္ရႉလိုက္ၾကပါ။ဘဝအတြက္ ေတြးစရာတစ္ခုခုေတာ့ က်န္ရစ္ေစခဲ့ရမယ္ဆိုတာရဲရဲႀကီးအာမခံရဲပါတယ္။

In the Mood for Love (2000)

mega.nz (Mega) Large Size ~ Download

megaup.net (Megaup.net) Large Size ~ Download

usersdrive.com (Users Drive) Large Size ~ Download

upstream.to (Up Stream) Large Size ~ Download

yoteshinportal.cc (Yoteshin) Large Size ~ Download

Comments

Your email address will not be published. Required fields are marked *